તાજેતરમાં જ દક્ષિણ આફ્રિકામાં કોરોનાનો નવો વેરિએન્ટ શોધાયો છે. આ વેરિએન્ટને પગલે ક્રિકેટ પર પણ તેની અસર થઇ છે અને સાઉથ આફ્રિકાનાં પ્રવાસે રહેલી નેધરલેન્ડની ટીમે પરત ફરવાનો નિર્ણય કર્યો છે.
મહત્વનું છે કે, આ નવો વેરિએન્ટ હાલ પાંચ દેશોમાં ડિટેક્ટ થયો છે, જેને પગલે દુનિયાભરનાં દેશો સાઉથ આફ્રિકા અને સંબંધિત દેશોની ફ્લાઇટ રદ કરી રહ્યા છે. આ પગલે હવે ભારતનો સાઉથ આફ્રિકા પ્રવાસ પણ જોખમમાં છે. આગામી 17મી ડિસેમ્બરથી ભારત સાઉથ આફ્રિકાના પ્રવાસે જવાનું છે.
🟠 Some of the greatest shots of today's (short) match! #CWCSuperLeague #CricketNL #SAvsNED pic.twitter.com/X0W0b3ypsD
— Cricket🏏Netherlands (@KNCBcricket) November 26, 2021
સાઉથ આફ્રિકામાં રહેલાં ભારતીય ખેલાડીઓ ચિંતામાં
સાઉથ આફ્રિકામાં ભારત-Aની ટીમ 3 ચાર દિવસીય મેચ રમવા માટે ગઈ છે. ત્યારે આ નવા વેરિએન્ટને પગલે પ્રવાસ ટૂંકાવાશે અને ટીમને ક્યારે પરત બોલાવાશે, તે મુદ્દો ચર્ચામાં છે. જોકે, આ અંગે કોઇ નિર્ણય કરવામાં આવ્યો નથી.
